入場要考牌 BMX車恥冇人玩

耗資逾二千萬元公帑興建的極限運動（X-Games）遊樂場，淪為「廢場」！
粉嶺安福街遊樂場專為花式小輪車（BMX）玩家而設，但疑因設計失誤，場內暗藏危機，又「無厘頭」規定要付費考牌才能使用，本地大部分玩家都不得其門而入，據知場地開放半個月來疑只得兩人使用。有資深玩家狠批考牌制度荒謬，「浪費市民咁多錢起咗個場，到頭來得一小撮人可以玩，同私人俱樂部有乜分別？」

安福街遊樂場冷清
周日晚上的粉嶺安福街遊樂場連一個玩家也沒有。

X-Games泛指滑板、直排滑輪和BMX等較危險的陸上運動，現時本港兩個由康文署管理的BMX場地均需考牌才可使用，考牌試由署方及香港單車聯會合辦。「大家有納稅，點解要畀錢考牌先可以入公共設施玩？」亞洲極限運動聯會（AXF）技術委員會主任麥詠倫（Alan）指，玩BMX要考牌，外國聞所未聞，「考完牌出嚟玩都唔代表安全o架！去游水夠危險啦，但都係救生員先要考牌！」

安福街遊樂場冷清
Alan認為與場內設計有問題，陷阱多多。

有關考牌資訊欠奉

斥資二千五百萬元興建的安福街遊樂場，便是需考牌才能享用的BMX場之一。不過，即使有心想考牌，
玩家亦無從入手。Alan坦言：「又唔公布幾時有得考，同考啲咩！」記者日前瀏覽康文署和香港單車聯會的網頁，亦找不到任何相關考牌資訊。香港單車聯會則指，聯會正內部改組，暫停舉行考牌試，惟何時再開辦考牌試或現時本港有多少持牌玩家，該會並沒有回應。

Alan指，香港極限運動聯會（XFED）具有國際奧委會和亞洲奧委會認可，但該會曾就安福街遊樂場設計事宜向康文署提供意見，卻不獲接納。他表示，獲本港奧委會認可的香港單車聯會曾參與該場地的設計，惟本地玩家認為場地危機四伏。

U台斜路設計陷阱多

安福街遊樂場U台阻礙兩邊玩家的視線，雙方容易「炒車」。

記者日前隨Alan到該場地視察，Alan指向場內的U台，稱該處太窄，加上頂端的垂直位置過長，均易令玩家「中招」，
「U台應該係獨立出嚟，否則一旦失手，就好容易衝出嚟同其他人撞車！」而U台的位置亦阻礙地面兩邊玩家的視線，「一個好嘅BMX場，玩家應該喺任何位置都睇到對方！」另方面，場地中央建了一段斜路，惟前方竟是欄杆，「一衝落嚟已經會撞（欄）啦！」Alan稱，由於該處「陷阱」重重，本港主流的BMX玩家絕少前往該場操車。

斜路太急（箭嘴示），單車衝下來易收掣不及撞欄杆。

事實上，該場於前年中落成，卻延至上月底才開放，期間每天有管理員駐守。康文署在本報查詢時，以場地開放未足一個月為理由，未有提供該場的平均使用人次，然而本月中，該場管理員曾向以市民身份到場視察的記者透露，「（啟用至今）得兩個人嚟玩過！」

Jimmy不滿香港賽馬會國際小輪車場變成「圍威喂」場所。

至於本港位於葵涌醉酒灣的BMX場─香港賽馬會國際小輪車場，亦被指是小圈子俱樂部。資深BMX車手、
樂隊LMF成員麥文威（Jimmy）抱怨：「初時話東亞運完咗，個場就開放畀公眾，點知又要畀錢考牌，之後每一次去玩都要畀錢！」香港單車聯會本月十五日周年大會當天，約同五十名單車愛好者和家長請願要求改善該場營運。

數十名車迷曾請願，要求免費開放香港賽馬會國際小輪車場予公眾使用。

市民鬧爆

彭先生（食品批發）：「起完個場後先發覺唔合規格，當然唔啱，
有咁嘅錯誤，同之前嘅規劃好有關，有人要負責！」

林先生（零售業）：「我有朋友個仔玩BMX好叻o架，但佢知道安福街個場做得咁差，
又要考牌，都費事煩，去第二度玩仲過癮！」