X-Fed Fanling SkatePark Test

Video Film by Casi Ng.

粉嶺滑板場(極限運動場) 測試活動完成！我哋亦邀請咗一班經驗豐富嘅團隊出席，
幫我哋測試呢個咁正嘅新場地，場地嘅設計、質素同工藝真係完全超出咗我哋嘅期望！

由順滑嘅坡度到創意嘅細節，都可以感受到設計師嘅專業，絕對會令到用家有非常好嘅體驗。
呢個 skatepark 唔單只係一個空間，佢係將會孕育到好多出色嘅運動員嘅搖籃！

呢一刻亦標誌著，一段漫長旅程即將圓滿結束。由2017年開始，當時因為需要搬遷同重建原本嘅安樂門街滑板場(極限運動場) ，呢個計劃就開始咗。呢幾年經歷咗唔少挑戰同困難，但多得 @xfed_hk 大家嘅堅持，@CAskatepark 嘅努力同 AECOM團隊嘅專業，我哋終於完成咗呢個夢想！

我哋已經迫不及待想大家一齊嚟體驗呢個屬於滑板、BMX、滑板車同直排輪玩家嘅新時代！
記得留意更多更新啦!